That's the way love goes! Janet Jackson achumbiwa kwa siri na bilionea wa Qatari Wissam Al Mana.

Janet Jackson akiwa na billionea wa Qatari Wissam Al Mana.

Janet akiwa na bilionea wake huko Sardinia wakitanua.

Jermaine Dupri akiwa na Janet wakati wa enzi zao.

Amejitahidi sana kuficha nyendo zake mbele ya masikio na macho ya walimwengu kwa mwaka huu lakini mwisho  wa siku imeshindikana.

Janet Jackson ameripotiwa kuchumbiwa na billionea kutoka Qatari Wissam Al Mana,hii ikiwa ni matunda ya mahusiano yao yalianza toka mwaka 2010.

Bilionea huyo mwenye miaka 37 amemvika Janet pete ya uchumba yenye thamani kubwa  kiasi kwamba Janet (46) anahofia huenda pete hiyo ikapotea kwa hivyo ameihifadhi kabatini.

Wissam ni mkurugenzi mtendaji wa Al Mana,kampuni ambayo inawakilisha A/X Armani Exchange na pia ana hisa katika kampuni nyingine kubwa za kimataifa.

Janet na mume wake mtarajiwa kwa mara kadhaa wameonekana wakifanya matanuzi ya gharama nchini Qatari na muda mwingine ndugu  wa Janet na marafiki zake wamekuwa wakifanya safari za mara kwa mara kwenda Qatari kwa kutumia ndege binafsi.

Kuna taarifa kuwa Janet ambae anamzidi umri bilionea huyo anataka kuanzisha familia mapema iwezekanavyo na kama itashindikana basi yuko tayari hata kuasili watoto hii ni kwa mujibu wa rafiki wa karibu wa Janet Jackson.

Wawili hao mapema mwezi huu wameoneka wakifanya manunuzi huko West Hollywood na mapema mwezi julai wawili hao walionekana wakiwa na furaha katika boti yao huko Sardinia.

Janet, ambae utajili wake unakadiliwa kufikia dola milioni 150 ,amewahi kuolewa mara mbili  ambapo mwaka 1985,aliolewa na rafiki yake wa utotoni na mwanamuziki James DeBarge kabla ya kuachana baada ya muda mfupi.

Na mwaka 1991,aliolewa kwa siri na densa,mtunzi na produza René Elizondo, Jr. lakini wakuja achana baadae mwaka 2000.

Miaka miwili baadae Janet alijukuta akiangukia katika mikono ya Jermaine Dupri na mahusiano yao kudumu kwa muda  wa miaka saba .

Hata hivyo huko nyuma Janet amekuwa akiripotiwa kwa nyakati tofauti kuwa katika mahusiano ya kimapenzi na mcheza filamu  Rob Lowe, mtunzi wa filamu wa Hollywood Gary DeVore, rapa  Q-Tip,Matthew, McConaughey pamoja na muimbaji kutoka kundi la Boyz II Men Wanya Morris.