HATIMAYE PAPA MPYA APATIKANA....

Hatimae Kanisa katoliki limepata kiongozi mpya Papa Jorge Mario Bergoglio atakae chukuwa nafasi ya Papa Benedict aliyejiuzuru kutokana na matatizo ya kiafya.

Kiongozi huyo mpya wa kanisa katoliki alichaguliwa katika duru ya tano ya upigaji kura uliofanywa na makadinali wapatao 115 waliokuwa wakikutana katika kanisa la Sistine Chapel huko Vatican,Roma.

Maelfu ya watu walikusanyika eneo la St. Peters huko Vatican pamoja na dunia nzima walikua wakisubiria kwa hamu kujua jina la Papa mpya na ataamua kuchukuwa jina gani la Ki-Papa.

Hatimaye matokeo yakatangazwa rasmi ambapo Jorge Mario Bergoglio kutoka dunia ya tatu amerika ya kusini nchini Argentina akachaguliwa kuwa kiongozi mpya wa ngazi ya juu kabisa katika kanisa katoliki.

Kiongozi huyo mpya wa kanisa katoliki amechagua jina la Papa Francis wa kwanza kuwa jina lake jipya.

Habari ni kwa hisani ya blog ya http://www.kiujamaazaidi.blogspot.com/